11 dekabr 2024-cü il tarixində Yüksək Texnologiyalar Parkı (YTP) və Təhsilin İnkişafı Fondu (TİF) arasında Anlaşma Memorandumu imzalanıb.

İmzalanma mərasimində YTP-nin baş direktoru Nihat Məcidov və TİF-in İdarə Heyətinin sədri Elnur Nəsibov, eləcə də hər iki qurumun nümayəndə heyəti iştirak edib.

Bu Memorandum, tədqiqatçılar, ali təhsil müəssisələri, elmi-tədqiqat institutları və sənaye tərəfdaşları arasında əlaqələri gücləndirərək texnologiyaların transferi, innovasiya və kommersiyalaşdırma sahələrində əməkdaşlıq çərçivəsini müəyyən edir.

Görüş zamanı tərəflər arasında Azərbaycanda innovasiya ekosistemini gücləndirmək üçün mümkün layihə təklifləri müzakirə olunub.

Yüksək Texnologiyalar Parkı və Təhsilin İnkişafı Fondu arasında Anlaşma Memorandumu imzalanıb

“Yüksək Texnologiyalar Parkının istismar proqramı: tətbiq və bacarıqların artırılması” layihəsi çərçivəsində 2024-cü il üçün təlimçilər təlimi proqramına start verilib.

Təlim proqramı Koreyanın “Korean I-Corps Program”, “Lean Startup & Customer Discovery” proqramlarının bir hissəsidir və kurikulumu ABŞ Milli Elm Fondunun “I-Corps” proqramına əsaslanır. Sözügedən proqram startaplar üçün biznes modelin komponentləri və müştərilərin kəşf edilməsi üzrə hərtərəfli biliklər əldə etməyə imkan verir. Həmçinin, azərbaycanlı ekspertlərin öz biliklərini daha da artırmasını, təcrübə və biliklərin paylaşılması ilə ölkədəki startapların inkişaf etdirilməsini hədəfləyir.

Təlimin ilk günündə Elm və Təhsil Nazirliyi Yüksək Texnologiyalar Parkının (YTP) baş direktoru Nihat Məcidov Koreyanın Elm və Texnologiya Siyasəti İnstitutu (STEPI) ilə əməkdaşlıq çərçivəsində görülən işlərdən danışaraq builki təlimlərin həm YTP, həm də digər ali təhsil müəssisələri və innovasiya mərkəzlərinin əməkdaşları üçün bacarıqların artırılması baxımından faydalı olacağını diqqətə çatdırıb.

Baş direktor, YTP-nin gələcək fəaliyyəti ilə bağlı yeniliklərdən bəhs edərək bildirib ki, texnoparkın bazasında yeni yaradılacaq “SABAH.city” innovasiya klasteri Azərbaycanda innovasiya proseslərinin geniş vüsət alacağı, texnologiyaların transferi və kommersiyalaşdırılmasının həyata keçiriləcəyi və startapların özünü daha inkişaf etdirə biləcəyi bir məkan olaraq layihələndiriləcək.

Daha sonra, Seul Milli Elm və Texnologiya Universitetinin professoru Con Şim “I-Corps” proqramı haqqında ətraflı məlumat verərək oktyabr ayına qədər olan təlim prosesinin əhatəli izahının yer aldığı təqdimatla çıxış edib.

Növbəti spiker isə biznes model və dəyər təklifi haqqında geniş təqdimat edən Koreyanın “INSIGHTORS” şirkətinin icraçı direktoru Roy Hvang olub. İştirakçılar üçün tapşırıqların da yer aldığı təqdimatda qeyd olunan istiqamətlər üzrə nəzəri və praktik biliklər yerli təlimçilər tərəfindən maraqla qarşılanıb.

Təlimin ikinci günündə isə Roy Hvang tərəfindən biznes model kanvası və biznes modelin qiymətləndirilməsi üzrə təqdimat keçirilib. Bu təlimlərdə iştirakı uğurla qiymətləndiriləcək 6 nəfər Koreyada ənənəvi formatda keçiriləcək təlimlərdə iştirak hüququ əldə edəcək.

Yüksək Texnologiyalar Parkının təlim proqramına başlanılıb

Koreya hökumətinin dəstəyi və Elm və Texnologiya Siyasəti İnstitutunun (STEPİ) tərəfdaşlığı ilə 2022-2024-cü illər ərzində həyata keçirilən “Yüksək Texnologiyalar Parkının istismar proqramı: tətbiq və bacarıqların artırılması” layihəsi çərçivəsində Koreyadan nümayəndə heyəti 21-25 oktyabr tarixində Azərbaycanda səfərdə olub.

Koreya nümayəndə heyəti STEPİ-nin baş tədqiqatçısı Dr. Eun Joo Kim, aparıcı elmi işçisi Dr. Soo. J. Sohn, DeltaTech şirkətinin baş icraçı direktoru Seong Ho Lee, Seul Milli Elm və Texnologiya Universitetindən Prof. John Shim, INSIGHTORS şirkətinin baş icraçı direktoru Roy Hwang və Seul Milli Universitetinin professoru Youngtack Shimdən ibarət olub.

Səfər çərçivəsində 22 oktyabr tarixində Yüksək Texnologiyalar Parkının baş direktoru Nihat Məcidov ilə görüş baş tutub, nəticədə DeltaTech şirkəti ilə Anlaşma Memorandumu imzalanıb.

23 oktyabr tarixində isə layihənin son tədbiri olaraq “Texnologiyaların kommersiyalaşdırılması” mövzusunda hesabat seminarı keçirilib. Tədbirdə koreyalı ekspertlər bir sıra mövzularda təqdimatlar edib və yerli ekspertlər tərəfindən layihədə görülən işlər və təcrübələri barədə ətraflı məlumat verilib.

Səfər çərçivəsində heyət Elm və Ali Təhsil üzrə Dövlət Agentliyi, Azərbaycan Memarlıq və İnşaat Universiteti, Bakı Mühəndislik Universiteti, SABAH.HUB və Coders ofisində görüşlər keçirilib.

Yüksək Texnologiyalar Parkına Koreya nümayəndə heyətinin səfəri baş tutub

8 iyul 2024-cü il tarixində Elm və Təhsil Nazirliyinin Yüksək Texnologiyalar Parkı (YTP) və “SKY X” layihə qrupu arasında Anlaşma Memorandumu imzalanıb. Bu Memorandumun məqsədi tərəflər arasında davamlı əməkdaşlığı təmin etmək, uğurlu layihələr həyata keçirmək və bununla Azərbaycanda innovasiya ekosistemində etibarlı tərəfdaşlara çevrilməkdir.

Memorandumu YTP-nin baş direktoru Nihat Məcidov və “Sky X” layihə qrupunun rəhbəri İmran Quliyev imzalayıb. Memoranduma əsasən YTP tərəfindən “Sky X” layihə qrupuna inkubasiya və akselerasiya proqramlarının (xüsusən də “hardware incubation”) icrası, startap ematalatxanasının yenidən təşkili məqsədilə müvafiq yerin ayrılması, investorlara çıxış imkanlarının təmin edilməsi istiqamətində dəstək göstəriləcək.

Müxtəlif təyinatlı pilotsuz uçuş aparatlarının prototiplərinin hazırlanması üzrə fəaliyyət göstərəcək “SKY X” layihə qrupu, həm də gənc mühəndislərin yetişdirilməsi üzrə çalışacaq.

Yüksək Texnologiyalar Parkı və SKY X layihə qrupu arasında Anlaşma Memorandumu imzalanıb

Elm və Təhsil Nazirliyinin Yüksək Texnologiyalar Parkının bazasında “SABAH.city” innovasiya klasterinin yaradılması planlaşdırılır. Bu layihə 20 hektar ərazidə tikiləcək və 2026-cı ildə bir hissəsinin ilkin açılışı olacaq.

Elm və Təhsil Nazirliyi Yüksək Texnologiyalar Parkının direktoru Nihat Məcidovun sözlərinə əsasən innovasiya klasterində universitet kampuslarının, elmi-tədqiqat laboratoriyalarının, texnologiya transferi mərkəzinin və innovasiya ekosisteminin və digər iştirakçıların bir fiziki məkanda yerləşməsi nəticəsində sinerjinin əldə olunması hədəflənir.

“SABAH.city” insan kapitalının inkişafını, iş yerlərinin yaradılmasını, elmi tədqiqatların kommersiyalaşmasını və bilik transferini dəstəkləyərək Azərbaycanın innovasiya ekosisteminin episentrinə çevrilmək potensialına malikdir. Layihə barədə daha ətraflı məlumat və əməkdaşlıq üçün keçidə daxil olun: https://sabah-city.com/

“SABAH.city” innovasiya klasterinin yaradılması planlaşdırılır

Elm və təhsil naziri Emin Əmrullayevin əmri ilə Məcidov Nihat Sərvan oğlu “ETN Yüksək Texnologiyalar Parkı” MMC-nin (YTP) baş direktoru vəzifəsinə təyin edilib. Elm və Ali Təhsil üzrə Dövlət Agentliyinin sədr müavini Əminağa Sadıqov yeni baş direktoru kollektivə təqdim edib.

Qeyd edək ki, Nihat Məcidov 1999-cu ildə Bakı şəhərində anadan olub. O, 2016-2020-ci illərdə ADA Universitetində təhsil alıb, bakalavriat səviyyəsini iqtisadiyyat ixtisası üzrə fərqlənmə diplomu ilə bitirib. 2019-2024-cü illər ərzində EY, Procter&Gamble, KPMG, McKinsey&Company şirkətlərində müxtəlif vəzifələrdə işləyib. 2024-cü ilin yanvar ayından etibarən son təyinatadək SABAH.HUB innovasiya mərkəzində Strategiya və layihələrin idarə olunması şöbəsinə rəhbərlik edib. Ailəlidir.

Haqqımızda

Xidmətlər

Media

Elm, təhsil və biznesin qovuşduğu məkan

Elm, təhsil və biznesin qovuşduğu məkan

Elm, təhsil və biznesin qovuşduğu məkan

Elm, təhsil və biznesin qovuşduğu məkan

Elm, təhsil və biznesin qovuşduğu məkan

Elm, təhsil və biznesin qovuşduğu məkan

Xidmətlər

Ümumi məlumat

Media

Tərəfdaşlar

Əlaqə

Haqqımızda

Xidmətlər

Media