3 iyun 2025-ci il tarixində SOCAR Green və Elm və Təhsil Nazirliyinin Yüksək Texnologiyalar Parkı arasında davamlı inkişaf, yaşıl texnologiyalar və innovasiya sahələrində əməkdaşlığın gücləndirilməsinə dair niyyət protokolu imzalanıb.

Bu tərəfdaşlıq Azərbaycanda tədqiqatların təşviqi, bərpa olunan enerji sahəsində təşəbbüslərin dəstəklənməsi və ekoloji cəhətdən məsuliyyətli texnoloji inkişafa töhfə verilməsi ilə yanaşı, “SABAH.city” layihəsi çərçivəsində Yaşıl Enerji üzrə Tədqiqat və İnkişaf Laboratoriyasının yaradılmasını da nəzərdə tutur. Bu əməkdaşlıq, SOCAR Green-in Azərbaycanda həyata keçirdiyi bərpa olunan enerji təşəbbüslərinin inkişafına dəstək olmaqla yanaşı, “SABAH.city”nin texnologiya və innovasiya sahəsindəki inkişaf missiyasını daha da gücləndirəcək.

Yüksək Texnologiyalar Parkı və “SOCAR Green” şirkətləri arasında əməkdaşlıq qurulub

27 may 2025-ci il tarixində “ABB Innovation” ilə Elm və Təhsil Nazirliyinin Yüksək Texnologiyalar Parkı (YTP) arasında niyyət protokolu imzalanıb. Sənədi “ABB Innovation”un baş direktoru Həsən Eminov və Yüksək Texnologiyalar Parkının baş direktoru Nihat Məcidov imzalayıblar.

Razılaşmaya əsasən, “ABB Innovation” “SABAH.city” innovasiya şəhərciyində fəaliyyət göstərəcək və burada startapların inkişafı, innovativ ideyaların gerçəkləşdirilməsi, texnologiya yönümlü təşəbbüslərin təşviqi və təlim proqramlarının keçirilməsinə dəstək verəcək.

Tərəfdaşlıq çərçivəsində gələcəkdə rəqəmsal transformasiyanın dəstəklənməsi, ixtisaslaşmış kadrların hazırlanması və yerli ideyaların real bazara çıxışı üçün yeni imkanların yaradılması planlaşdırılır. Bu əməkdaşlıq “SABAH.city”nin ölkənin aparıcı innovasiya mərkəzlərindən birinə çevrilməsinə xidmət edəcək.

Yüksək Texnologiyalar Parkı və “ABB Innovation” şirkətləri arasında əməkdaşlıq qurulub

7 may 2025-ci il tarixində Elm və Təhsil Nazirliyinin Yüksək Texnologiyalar Parkı (YTP) ilə qlobal texnologiya nəhəngi Huawei Azərbaycan arasında əməkdaşlığa dair anlaşma memorandumu imzalanıb.

Sözügedən memorandum, tərəflər arasında gələcək əməkdaşlıq istiqamətlərini müəyyən edir və birgə təşəbbüslərin həyata keçirilməsi üçün rəsmi çərçivə yaradır.

Əməkdaşlıq çərçivəsində Huawei Azərbaycan, təqdim etdiyi qabaqcıl texnoloji həllər və innovativ yanaşmalarla həm Yüksək Texnologiyalar Parkının ekosisteminin inkişafına, həm də “SABAH.city” layihəsinə dəyər qatacaq. Bu tərəfdaşlıq texnologiya və təhsil sahəsində sinerji yaratmaqla, ölkədə rəqəmsal transformasiyanın sürətləndirilməsinə xidmət edəcək.

Yüksək Texnologiyalar Parkı və Huawei Azərbaycan arasında əməkdaşlığa dair anlaşma memorandumu imzalanıb

6 may 2025-ci il tarixində Elm və Təhsil Nazirliyinin Yüksək Texnologiyalar Parkı ilə rahat və effektiv nəqliyyat həlləri təqdim edən Yango Azərbaycan şirkəti arasında niyyət protokolu imzalanıb. 

Bu sənəd tərəflər arasında gələcək əməkdaşlıq imkanlarını rəsmiləşdirir və birgə təşəbbüslərin həyata keçirilməsi üçün möhkəm təməl yaradır.

Əməkdaşlıq çərçivəsində Yango Azərbaycan şirkəti Yüksək Texnologiyalar Parkında fəaliyyət göstərəcək və Parkın innovasiya yönümlü ekosisteminin ayrılmaz hissəsinə çevriləcək. 

Yüksək Texnologiyalar Parkı və Yango Azərbaycan arasında qurulan bu tərəfdaşlıq nəqliyyat texnologiyaları və ağıllı həllər sahəsində yenilikçi yanaşmaların dəstəklənməsi və inkişaf etdirilməsi istiqamətində mühüm addım hesab olunur.

Yüksək Texnologiyalar Parkı ilə Yango Azərbaycan arasında əməkdaşlığa dair niyyət protokolu imzalanıb

2025-ci il aprelin 10-da Elm və Təhsil Nazirliyinin Yüksək Texnologiyalar Parkı ilə “Proxima Tech Solutions” və “Proxima Cyber Security” şirkətləri arasında əməkdaşlığa dair niyyət protokolu imzalanıb.

Bu əməkdaşlıq çərçivəsində hər iki şirkət Yüksək Texnologiyalar Parkının ekosisteminə qoşularaq qabaqcıl İT infrastrukturu və kibertəhlükəsizlik sahəsində fəaliyyət göstərəcəklər. Şirkətlərin iştirakı Parkda innovasiya və texnologiya yönümlü inkişafa əhəmiyyətli töhfə verəcək.

Bu tərəfdaşlıq yüksək texnologiyalar sahəsində yeni imkanların formalaşmasına, həmçinin milli rəqəmsal potensialın gücləndirilməsinə xidmət edən strateji addım kimi qiymətləndirilir.

Yüksək Texnologiyalar Parkı  və “Proxima” şirkətləri arasında əməkdaşlıq qurulub

2025-ci il aprel ayının 3-də Elm və Təhsil Nazirliyinin Yüksək Texnologiyalar Parkı ilə Bravo supermarket arasında əməkdaşlığa dair niyyət protokolu imzalanıb.

Bu əməkdaşlıq çərçivəsində Bravo supermarket Yüksək Texnologiyalar Parkında fəaliyyət göstərərək Parkın ekosisteminin bir hissəsi olacaq. Yeni supermarket Yüksək Texnologiyalar Parkının rezidentləri və ziyarətçiləri üçün rahat və müasir alış-veriş imkanı yaradacaq.

Yüksək Texnologiyalar Parkı ilə Bravo supermarket arasında əməkdaşlıq qurulub

18 mart 2025-ci il tarixində Yüksək Texnologiyalar Parkı ilə innovativ rəqəmsal həllər sahəsində fəaliyyət göstərən "AZsoftware" şirkəti arasında əməkdaşlığa dair niyyət protokolu imzalanıb.

Sözügedən əməkdaşlıq çərçivəsində "AZsoftware" şirkəti Yüksək Texnologiyalar Parkının təşəbbüsü ilə yaradılmış "SABAH.city" innovasiya şəhərciyində fəaliyyət göstərəcək. Şirkətin layihədə iştirakı regionda texnologiya ekosisteminin inkişafına dəstək olmaqla, innovasiya mühitinin daha da güclənməsinə töhfə verəcək.

Bu əməkdaşlıq tərəflər arasında bilik və təcrübə mübadiləsini təşviq etməklə yanaşı, ölkənin innovasiya potensialının artırılmasına yönəlmiş mühüm addım kimi qiymətləndirilir.

Yüksək Texnologiyalar Parkı  və “AZsoftware” şirkətləri arasında əməkdaşlıq qurulub

2025-ci il fevralın 28-də Yüksək Texnologiyalar Parkı ilə “Drinkit” şirkəti arasında əməkdaşlığa dair niyyət protokolu imzalanıb.

Anlaşmaya əsasən, "Drinkit" rəqəmsal kofeşopu Yüksək Texnologiyalar Parkının layihəsi olan “SABAH.city” innovasiya şəhərciyində fəaliyyət göstərəcək. Şirkət, burada müasir texnologiyalarla təchiz edilmiş kofe xidmətlərini təqdim edərək, həm rezidentlərə, həm də qonaqlara yüksək keyfiyyətli xidmət imkanları yaradacaq.

Bu tərəfdaşlıq, həm texnologiya sahəsində yenilikçi yanaşmaların tətbiqi, həm də Yüksək Texnologiyalar Parkının ekosisteminin genişlənməsi üçün əhəmiyyətli bir addım kimi qiymətləndirilir.

Yüksək Texnologiyalar Parkı ilə "Drinkit" şirkəti arasında əməkdaşlıq qurulub

19 fevral 2025-ci il tarixində Elm və Təhsil Nazirliyinin Yüksək Texnologiyalar Parkı ilə "Future Lab by PASHA Innovation" arasında əməkdaşlığa dair niyyət protokolu imzalanıb.

Bu tərəfdaşlıq çərçivəsində, insanyönümlü innovativ həllərin hazırlanmasında lider olmağı hədəfləyən "Future Lab", Azərbaycanda startap ekosisteminin gücləndirilməsinə və müxtəlif sahələrdə texnologiya, sahibkarlıq, sığorta, bankçılıq və digər istiqamətlərdə yaradıcı və qabaqcıl həllərin təşviqinə töhfə verməyi qarşısına məqsəd qoyur.

Razılaşmaya əsasən, "Future Lab" şirkəti Yüksək Texnologiyalar Parkının təşəbbüsü ilə yaradılmış "SABAH.city" innovasiya şəhərciyində fəaliyyət göstərəcək. Bu addım şirkətin innovativ texnologiyalar vasitəsilə formalaşan ekosistemə aktiv şəkildə töhfə verməsinə imkan yaradacaq.

Yüksək Texnologiyalar Parkı və “Future Lab by PASHA Innovation” şirkətləri arasında əməkdaşlıq qurulub

14 fevral tarixində Elm və Təhsil Nazirliyinin Yüksək Texnologiyalar Parkı (YTP) və Azərbaycanın aparıcı ali təhsil müəssisələri arasında strateji əməkdaşlığa dair Anlaşma Sazişi imzalanıb.

Sazişə əsasən, 2026-cı ildən etibarən, Bakı Dövlət Universiteti, Azərbaycan Texniki Universiteti və Azərbaycan Dövlət Neft və Sənaye Universitetinin İT, mühəndislik və elm üzrə seçilmiş SABAH proqramlarının tələbələri müasir infrastruktur, innovativ kurikulum və yüksək ixtisaslı müəllim heyəti ilə təmin olunmuş “SABAH.city” innovasiya şəhərciyində təhsil alacaqlar.

Tədbir zamanı əsas qonaqlar arasında Elm və Ali Təhsil üzrə Dövlət Agentliyinin direktoru Ülkər Səttarova, Bakı Dövlət Universitetinin rektoru Elçin Babayev, Azərbaycan Texniki Universitetinin rektoru Vilayət Vəliyev, Azərbaycan Dövlət Neft və Sənaye Universitetinin rektoru Rüfət Əzizov, eləcə də “YTP”in baş direktoru Nihat Məcidov yer alıb.

Haqqımızda

Xidmətlər

Media

Elm, təhsil və biznesin qovuşduğu məkan

Elm, təhsil və biznesin qovuşduğu məkan

Elm, təhsil və biznesin qovuşduğu məkan

Xidmətlər

Ümumi məlumat

Media

Tərəfdaşlar

Əlaqə

Haqqımızda

Xidmətlər

Media