Rezidentlik
Yüksək Texnologiyalar Parkı (YTP) tərəfindən rezidentlik, Azərbaycan Respublikası Prezidentinin 2014-cü il 15 may tarixli 168 nömrəli Fərmanı ilə təsdiqlənmiş “Texnologiyalar parkı haqqında Nümunəvi Əsasnamə”yə (Əsasnamə) uyğun olaraq verilir.
Hazırda YTP-də X sayda rezident fəaliyyət göstərir. Bu rezidentlər müxtəlif sahələrdə innovativ texnologiyaların hazırlanması, tətbiqi və inkişafı ilə məşğul olurlar.
Üstünlüklər
Vergi güzəştləri
Rezidentlərə 10 il müddətinə geniş vergi azadolmaları (əmlak, torpaq və mənfəət vergisindən) və gömrük imtiyazları (idxal olunan texnika, texnoloji avadanlıqlar və qurğulara görə gömrük rüsumları və əlavə dəyər vergisini (ƏDV) ödəməməklə bağlı) təqdim olunur.
İnfrastruktur dəstəyi
YTP ərazisində mümkün laboratoriya, avadanlıqlar və ofislərə çıxış təmin edilir.
İnnovasiya mühiti
Rezidentlərin inkişafına nail olmaq üçün müxtəlif proqramlar və layihələrlə dəstək verilir.
Təchizat və kommunikasiya
Rezidentlər bütün əsas kommunal və kommunikasiya xidmətləri ilə təmin edilir.
Rezidentlik üçün müraciət prosesi
Müraciətlərin təqdim edilməsi
Ərizəçilər YTP-də rezident olmaq üçün ərizə forması və tələb olunan digər sənədləri təqdim edir. Qeydiyyat prosedurunun ümumi müddəti 20 iş günüdür.
Ərizənin yoxlanılması
YTP sənədlərin uyğunluğunu 5 iş günü ərzində yoxlayır. Çatışmazlıq aşkar edilərsə, ərizəçiyə 10 iş günü ərzində düzəliş etmək imkanı verilir.
Layihənin qiymətləndirilməsi
Layihələr Ekspertlər Şurası tərəfindən qiymətləndirilir (7 iş günü, bu müddət 20 iş gününə qədər uzadıla bilər).
Layihə barədə qərar qəbul edilməsi
Müsbət qiymətləndirmə halında rezident qeydiyyat şəhadətnaməsi alır. Mənfi qiymətləndirmə halında rədd səbəbi yazılı şəkildə bildirilir.
İnkubator rezidentlik üçün müraciət prosesi
Müraciətlərin təqdim edilməsi
Ərizəçilər YTP-də inkubator rezidenti olmaq üçün ərizə forması və tələb olunan digər sənədləri elektron və ya yazılı formada təqdim edir.
Ərizənin qəbulu və yoxlanılması
İdarəedici təşkilat ərizəni qəbul edir və ərizəçiyə qeydiyyat təsdiq sənədi təqdim edir. 20 iş günü ərzində ərizə araşdırılır və qiymətləndirilir. Çatışmazlıqlar aşkar edilərsə, ərizəçiyə 5 iş günü ərzində düzəldilib yenidən təqdim etmək imkanı verilir.
Layinənin qiymətləndirilməsi
YTP-nin daxili komissiyası tərəfindən layihənin perspektivi və inkubatorun məqsədlərinə uyğunluğu nəzərdən keçirilir. Ərizəçilərlə görüşlər keçirilir və təqdimatlar dinlənilir. Daxili komissiya öz rəyini qeydiyyat müddətinin son 5 iş günü ərzində təqdim edir.
Layihə barədə qərar qəbul edilməsi
Layihə müsbət qiymətləndirildikdə, ərizəçi inkubator rezidenti kimi qeydiyyata alınır və qeydiyyat şəhadətnaməsi təqdim edilir. Layihə uyğunsuz olduqda və ya çatışmazlıqlar aradan qaldırılmadıqda, müraciət rədd edilir və bu barədə ərizəçiyə yazılı məlumat verilir.